मनकारी इटहरीका इन्द्र : एक वर्षदेखि थला परेकि किशाेरीकाे बेदान्तमा निशुल्क उपचार

  • प्रकाशित मितिः श्रावण 15, 2077
  • 989 पटक पढिएको
  • प्रदेश दर्पण

इटहरी : लामो समयदेखि खुट्टाको बिमारीका कारण ओछ्यानमै थला परेकी इटहरी ३  तालतलैया पुराण चौककी १६ बर्षीया किशोरी अन्जना वि।कको इटहरीकै नीजि अस्पताल बेदान्त हस्पिटलले निशुल्क उपचार गरिदिएको छ । उपचार नपाएकै कारण समस्यामा परेकि किशोरीलाइ वेदान्त हस्पिटलले निशुल्क उपचार गरिदिएको हो । घरको आर्थिक अवस्थाले धान्न नसक्ने उनको परिवारले बताएपछि मानवताको नाताले भएपनि सानो सहयोग गरेको बेदान्त हस्पिटलका सञ्चालक इन्द्र श्रेष्ठले बताए । उनको आमा बुवा दैनिक ज्यालादारी गर्दै गुजारा चलाउदै आएका छन । 

यस अघि उपचार गरेको भनिएपनि सामान्य रूपमा बेण्डिज मात्रै गरेको पाइयो थप उपचार प्रकृियाकालागि किशोरीको स्वास्थ्य परिक्षण गरिएको हस्पिटलका सञ्चालक श्रेष्ठले बताए । डा. आदर्श झा र डा. इमेज दाहालको टिमले ती किशोरीको स्वास्थ्य परीक्षण गरेको जनाइएको छ । स्वास्थ्य परीक्षण गर्दा खुट्टाको घुँडाको सम्भावित मेनिस्कस इन्जुरी पाइएको छ ।

श्रेष्ठका अनुसार उनको स्वास्थ्य परीक्षणपछि १५ दिनको औषधी दिएर पठाईएको छ । १५ दिनसम्म पनि समस्या जस्ताको तस्तै रहेमा एमआरआई गर्नुपर्ने उनको भनाई छ ।अहिले कोरोना भाइरसका कारण मुलुकमा लकडाउन रहेको भएपनि कोही मानिस पनि स्वास्थ्य समस्याबाट ग्रसित हुन नपर्ने भन्दै बेदान्त हस्पिटलले सेवा प्रदान गर्दै आएको छ ।

ब्यापारीक हब संगै प्रदेश एकको सम्भावित राजधानीको उपनामले चिनिने सुनसरीको इटहरीमा ब्यापारीक प्रतिस्पर्धा चलिरहेको अवस्थामा बिगत ४ बर्षदेखि सञ्चालनमा आएको बेदान्त हस्पिटल पछिल्लो समय सेवाग्राहिहरूको रोजाइमा पर्न थालेको छ । 

प्रतिक्रिया दिनुहोस