सुनसरी भदौ ७ गते सम्म निषेधित क्षेत्र घोषणा : इटहरी अझै एक साता सम्म बन्द रहने

  • प्रकाशित मितिः श्रावण ३२, २०७७
  • 3350 पटक पढिएको
  • प्रदेश दर्पण

इटहरी । सुनसरीलाइ पुन एकसाता निषेधित क्षेत्र घोषणा गरिएको छ । आइतबार जिल्ला प्रसाशनको कार्यालय सुनसरीमा बसेको बैठकले तेश्रो पटक म्याद थप गर्दै जिल्लालाइ पुन ७ दिन निषेधित क्षेत्र घोषणा गरिएको हो ।

यो भन्दा अघाडी थपिएको समय आज आइतबार राती १२ बजे सकिएपनि पुनःत्यसैलाइ निरन्तरता दिदै जिल्लालाइ थप ७ दिन बन्दाबन्दि गर्ने निर्णय भएको हो । सुनसरीको स्थानीय तहहरूमा कोरोना संक्रमितहरूको संख्या बढदै गएकोले जिल्लालाइ थप ७ दिन निषेधित क्षेत्र तथा बन्दाबन्दी गर्ने निर्णय भएको जिल्ला प्रसाशनको कार्यालय सुनसरीले जनाएको छ । म्याद थप भएसंगै सुनसरी आगामि भदौ ७ गते आइतबार राती १२ बजे सम्म्लाइ निषेधित क्षेत्र रहने छ । 

यो पटक भने अघिल्लो साता भन्दा कडाइका साथ नियमहरूको पालना गराउन स्थानीयतहहरूलाइ प्रसाशनले अनुरोध समेत गरेको छ । जिल्लामा अति आवस्यक औषधि पसलहरूबाहेक सबै प्रकारका व्यापार व्यवसायहरू बन्द गर्न प्रसाशनले अनुरोध गरेको छ ।

त्यस्तै अति आवस्यकका ढुवानीका गाडी , प्रेस , एम्बुलेन्स, सरकारी गाडी , कुटनितिज्ञ लगायतका सवारीसाधनहरूबाहेक अन्यलाइ राजमार्गमा निस्कन प्रतिबन्ध लगाइएको छ । यता प्रसाशनकाे याे निर्णय सहित इटहरी पनि एक साता बन्द रहने भएकाे छ । 

प्रतिक्रिया दिनुहोस